iPhone аль улсаас ирсэн мөн аль улсынх болохыг мэдэх

thumbnail
Түгээсэн
112833 Уншсан

Ихэнх хүмүүс iPhone хаанаас ирсэн болох мөн Аль нэг улсаас ирсэн iPhone талаар бусдаас ялгарах онцлогуудын талаар тэр бүр мэдээгүй билээ. Зарим нь улс бүрээс ирсэн iPhone тус тусдаа өөр өөр гэх нь ч элбэг байдаг билээ. iPhone хаанаас ирсэн нь тийм чухал байдаг болов уу ?


iPhone хаанаас ирсэн нь чухал байдаг уу ?

iPhone ялангуяа Apple - н ямарваа нэгэн төхөөрөмж бүгд Хятадын Foxconn үйлдвэрт угсрагддаг бөгөөд. Үндсэн нэршил нь Захиалагч АНУ гүйцэтгэгч БНХАУ гэсэн нэртэйгээр явдаг. iPhone загварууд дээр тэмдэглэгдэж байдаг "Region" нь нийлүүлэлт хийгдсэн орондоо очихдоо тухайн улсад нийлүүлсэн гэдэг утгаар Settings > General > About > Model дээр Хоёр товчилсон үсэг агуулсан байдаг юм.

Хаанаас ирсэн iPhone илүү сайн байдаг вэ ?

Дээр дурдсанчлан бүх iPhone нэг л үйлдвэрт угсрагддаг тул техник хангамж "Hardware" , програм хангамж "Software" дээр ямар нэг өөрчлөлт хоорондоо байхгүй тул iPhone хаанаас ирсэн нь ямар нэг ялгаа байхгүй харин ганц ялгаа буюу ялгах зүйл тухайн улсад ашиглагддаг цэнэглэгч "charger" стандартаас хамаараад өөр өөр байдаг байна.

Жишээлбэл : Манай улсад ялангуяа ТЭДИ гар утас худалдааны төв дээр АНУ болон Хонконг iPhone -  ууд худалдаалагддаг. Түүнчлэн АНУ iPhone хайрцаг илүү намхан харин Хонконг iPhone илүү өндөр байдаг.  Энэ нь ердөө л цэнэглэгч "Charger" хоорондоо өөр харин дээр бичсэнтэй адилаар техник болон програм хангамжийн зөрүү өөр байх тохиолдол болон өөрчлөлт огт байхгүй байдаг юм. Хэрэв хэн нэгэн танд аль нэг улсаас ирсэн iPhone сайн гэж хэлбэл та тэр хүнд нээх итгээд хэрэггүй л болов уу :)

 


Ямар iPhone авбал хамгийн сайн бэ ?

Ямар байх нь нээх чухал биш гэхдээ та үүнийг л цээжлээд аваарай  SIM FREE  буюу FACTORY UNLOCKED энэхүү загвар нь үйлдвэрээсээ GSM/CDMA/WCDMA/3G/LTE гэх бүх төрлийн сүлжээний стандарт дэмждэг тул дээрх сүлжээнд буюу дэлхийн хаана ч үүрэн телефоны операторын сүлжээ орсон газар тус утсыг ашиглах ямар ч асуудал гарахгүй.

Яагаад Япон ирсэн iPhone камераар зураг дарах болохоор Silent болгож болдоггүй юм бол ?

гаж донтой нөхдүүдэд зориулсан анхааруулга

Энэ нь метронд богино банзалтай охидуудийн банзал доогуур нь зураг дарах гаж донтой нөхдүүдийн үйлдлээс үүдэлтэй.  Зөвхөн Японд нийлүүлэх iPhone - ууд зураг дарах үед Silent дууг хаах боломжийг хязгаарласан тул Японд нийлүүлсэн ямар ч iPhone - ын камерын дууг хаах боломжгүй байдаг байна. Мөн Солонгост нийлүүлсэн iPhone - ууд тухайн улсын хууль дүрмээс хамаараад камерын дуу Silent болгож болдоггүй.



Цэнэглэгч стандарт өөр байх нь асуудалтай юу ?

Стандарт нь ямар байх огт асуудал биш. Гагцхүү таны цахилгаан эх үүсвэрт залгах байдал нь бидний хэлж cурсанаар 2 шонтой 3 шонтой гэдэг цэнэглэгчээс хамаараад өөр байна. Гүйдэл дамжих хурд цэнэглэх хугацаа ямар ч ялгаагүй.



Хэрхэн аль улсаас ирсэн болохийг харах вэ ?

Юуны өмнө Settings > General > About > Model тэр дээр жишээлбэл MG492ZP/A гэсэн зүйл байгаа биз энэ бол утасны чинь Model дугаар тэгвэл 3 оронтой тооны ард хоёр үсэг байгаа бол энэ бол аль улсынх болох мөн тэр улсад нийлүүлсэн болохыг харуулж байгаа юм. Доорх зураг дээр MG492ZP/A = гэж байгаа энэ бол Хонконг - д нийлүүлсэн гэсэн үг юм.


MG492ZP/A= Хонгонк

Нийлүүлсэн орны хоёр үсэг болон нэг үсэг Model дээр дараах байдлаар байдаг

Ази:

VN = Вьетнам
CN = Hятад
ZP = Хонконг
TA = Тайван
KH = Солонгос
J = Япон
ZA = Сингапур
PP = Филиппин
AB = Саудын араб


Америк:

LL = АНУ
C = Канад
E = Мексик
LE = Аргентин
C = Канад

Европ:

B = Их Британи
NF = франц / Бельги
GK = Грек
B = Их британи / ирланд
FD = Швед / австрали
PO = Португали
DN = Герман / Голланд
Y = Испани
T = Итали
KS = Финланд / Швед
KN = Дани / Норвеги
FB = Люксенбург
RS = Орос
CZ = Чех

Далайн орон:

X = Австрали / Шинэ Зеланд

Африк:

SO = Өмнөд африк
LA = Колумб
LE = Чили


Австрали

X = Австрали




iPhone жинхэнэ эсвэл хуурамч эсэх талаар мэдэж болох уу ?


Мэдээж энэ боломжтой учир нь  iPhone дээр IMEI код гэж 16 оронтой давхцахгүй код үйлдвэрээс дагаж ирдэг бөгөөд энэхүү дугаар нь үйлдвэрээс давхцаагүйг олгосон тул тухайн утасны талаар бүх мэдээллийг дотроо агуулж байдаг юм.


Хэрхэн шалгах вэ ? 

Эхлээд та http://iphoneimei.info энэхүү сайт луу орж IMEI код 16 оронтой тоог оруулна дэлгэрэнгүй мэдээлэл авч болон IMEI код хаанаас авч болох вэ гэхлээр утасны хайрцгийн ард эсвэл утас дээрээ Phone -> дуудлага хийх дээр ороод *#06# гэж бичээд дуудлага хийх ногоон товч дээр дараарай ингэснээр танд imei кодыг дэлгэц дээр харуулах болно.


Жишээлбэл дараах утасны мэдээлэл гарч байгаа байдал нь

352073068929***/тодорхой шалтгааны улмаас үлдсэн 3 оронг нууцалсан болно/


Энд гарч ирж байгаагаар нь Apple - н жинхэнэ iPhone болох харагдаж байгаа бөгөөд хаана худалдаалсан мөн одоо ашиглагдаж байгаа зэрэг бүх мэдээлэл тодорхой гарч байгаа юм. Түүнчлэн iPhoneimei.info сайт болон түүнтэй ижил төрлийн үйлчилгээтэй сайтууд бүгдээрээ хувийн сайт бөгөөд зарим нэг тохиолдолд iPhone загварын мэдээллийг дутуу гаргах эсвэл зөрүүлэх тохиолдолтой байдаг. Дээрээс нь шинээр гарсан загваруудыг өмнөх загварын мэдээллээр харуулах үе байдаг бөгөөд хэсэг хугацааны дараагаар энэ нь хэвийн байдалд ордог юм. Зарим хэрэглэгч нарын дунд IMEI кодын 6 7 орон 00 байвал сайн iPhone баталгаат iPhone гэдэг явган яриа газар аваад байгаа билээ. Энэ талаар залруулаг хийхэд бол ямар ч iPhone дээр IMEI кодоор сайн мууг ялгасан байдал байхгүй гагцхүү IMEI код гээд байгаа 15 оронтой дугаар нь тухайн утасны мэдээллийг хадгалж байдаг. Тиймээс iMEI код аль ч оронд ямар ч дугаар байх нь хамаагүй зөвхөн тэр л код тэр чигээрээ тэр утасны талаар үйлдвэрээс өгсөн давхцахгүй дугаар юм.

Түүнчлэн iPhoneimei.info сайт болон түүнтэй ижил төрлийн үйлчилгээтэй сайтууд бүгдээрээ хувийн сайт бөгөөд зарим нэг тохиолдолд iPhone загварын мэдээллийг дутуу гаргах эсвэл зөрүүлэх тохиолдолтой байдаг.



 

Эцэст нь


Ямар ч iPhone хаанаас ирсэн нь огт чухал биш гагцхүү нийлүүлсэн орнуудын цэнэглэгч стандарт өөр байдаг. Тул хэн нэгний буруу ташаа мэдээлэл LL/A Америк  iPhone хамгийн сайн гэх мэт бусдын буруу ташаа мэдээлэл болон ойлголтод таныг автуулахгүйн үүднээс энэхүү нийтлэлийг бичсэн юм. Хэн нэгэн ойр дотнын хүн чинь iPhone авах гэж байгаа хэрэв энэ талаар мэдэхгүй бол та share хийж уншуулаарай. Энэ нийтлэл ямарваа нэгэн юм ойлгоогүй бол дахиад уншаарай гэж хүсье эсвэл сэтгэгдэл үлдээж болно. 

Холбоотой мэдээлэл